Shillong, jylliew 18: Ka seng Hynniewtrep Achik National Movement HANM kan sa leit ban ia kynduh ia u myntri kampoh iing jong ka sorkar kmie hakaba ia dei bad u pud u sam jong ka jylla Meghalaya bad ka jylla Assam khamtam eh ia ka thain blok 1 bad blok 2, namar ka sorkar jylla kam lah ban leh ei ei ia kane bad ka shu sha tang ha ka miej jong ka jingia kren ka khlem poi shano shano bad ki kam baroh ki ba dei ban pyndep ki shu sah kut beit ha ka file.
Ka seng ka la pynpaw ruh ba ka sorkar jylla bunsien hi kam da niewkor ia ki paidbah ki ba shong ba sah ha ki thain khappud ka jingleh sting jong ka sorkar ka la pynlong ia ka seng HANM ba kan thaw ki lad ki lynti ba ka dei ban leit ia kynduh ia ka sorkar kmie ban iathuh halor ki jingeh jong ki paidbah ki ba shong ha ki khappud.
U bah shaniahlang nongialam ka seng u la ong la 40 snem tam ngi la ioh la ka jong ka jylla hynrei kaba phylla pat ba haduh mynta ngim pat ioh ia u put u sam u ba pyn tikna iala ka jylla la jong, kumta ki paitbah kiba sah hi ki khappud ,ki dang sah haka umdum bad im haka jingkordit tang naka ka jing bymlah ka sorkar ban pynbeit noh ia u pud u sam ka wan rah ka jingeh iaki paitbah.
Bad bun ruh ki ba la duh ei ia ka jingim jong ki tang naka daw u pud u sam kumba la jia ha ka shnong langpih ha duh saw ngut ki mynsien briew kila duh ei ia ka mynsien jongki ,kumjuh ruh haka shnong khanduli bad ka shnong psiar ruh ki briew ki shah pyndik haki pulit jong ka assam man laki por bad ka sorkar kam juh shim khia ban ai ka jingiada iaki.
Ka seng ka pynpaw ka jingsngew diaw haduh katta katta iaka jingleh mat lah ka sorkar jylla iaki paitbah kiba shong basah haki thain khappud wat la ki khmat kiba iohi ki shkor kiba ioh sngew, hynrei kim patiaw eiei ruh kane ka paw shai ba ka sorkar jylla kam khein briew shuh iaki ba shong basah haki tei ki thain khappud.
Ka seng kala la dep pan jingbit na u home ministry naka bynta ban iakynduh ia u halor u put u sam bad ngi kyrmen ba hapoh kine ki bnai ngi la ioh appointment naka ophis jong u khnang ba ngin ioh ban ia kynduh ia u halor u put u sam bad kiwei ki wei de ki kam. La punkut ka kyrwoh khubor na u president ka seng HANM Jaintia hills unit u bah shaniahlang suchen.(SP News)
