Shillong, Jylliew 07: Ka seng HNLC haba kren halor ka jingkren jong u Mynri rangbah ka jylla u Dr Mukul Sangma halor ka kyrwoh kaba la phah da ka seng, u Bah Sainkupar Nongtraw publicity secretary jong katei ka seng , ula kynthoh kylla da kaba Ka jingkynthoh mar mar u mynri rangbah iaka kyrwoh ka HNLC ka pyni shaikdar ba ka sorkar jong u ka tieng iaka BJP kumjuh iaka HNLC khamtam ioh wan ka jingsynshar President haka jylla.
Ki jingkynthoh jong u ki long tang ki jingkren shongshit khlehbiej. Ka jingkob jong u Ban phah kyndang iaka HNLC na Bangladesh ka dei tang ka kam biej,namar kumno un lah ban leh ia kat kata ka kam haba ka foreign affairs ka don haka kti ka sorkar BJP kam shym don haka kti ka sorkar congress jong u. Kaei kaba jia ha Bhutan, Bangladesh haki snem ba la leit kam lah ban pynkut iaka mynsiem ialeh ki kynhun kiengatiar kane ka thaiñ.
U Bah Nongtraw u la kynnoh ba dei ka sorkar india kaba ai jinghikai iaki seng kieng atiar Chakma kumjuh ban ai jaka rieh ia kiwei ki riew pawkhmat kum ka Talisma Nasrin bad kiwei tang kumno ban ialeh pyrshah iaka Ri Bangladesh. Ka Jammu bad Kashmir ka dei tang maka ka jylla kaba kham donbor hynrei da lade kan nym lah ban iakren iasuk bad kino kino ki kynhun kieng atiar wat la ka ioh makna iaka Article 370 hynrei tang ka sorkar kmie kaba lah ban rai ia kane ka kam.Ka sorkar Meghalaya ka dei tang ka sorkar tynshop bad ka HNLC kam don Agenda hi ruh ban iakren bad ka sorkar jylla.
Halor ka jingong ban wan pyndem lei kum ka UALA,ANVC,ANVC(B) kam don haka agenda ka HNLC. Kine ki seng ki iapher bak ly bak naka Nongrim kaba ka HNLC ka ieng, khamtam ka jingialeh jongngi kam dei kaba dang 5,6 snem hynrei ka lah jan kot sha ka 30snem mynta. Haka bri u 7trep ka HNLC ka don tang kawei, synshar ka Congress ha Delhi mynshuwa wat haduh u pud ban khylliap noh iaka UALA mynta . Hynrei naka jaidbynriew 7trep tang iaka HNLC marwei ruh kam lah ban khot wat lada la synshar makna ka congress na Delhi mynha kine ki khyndiat snem kata naduh 2004.
Ha ka kyrwoh kaba la phah da u bah Nongtraw u la ong ba Dr Mukul u dei uba dang thymmai haka kam seng saiñ hima,kumta haba u pyrkhat lyngkot u leh ruh lyngkot.Ka Shillong Accord 1975 kaba la iasoi hapdeng ka NNC bad ka sorkar india hangne ha nongbah shilling haka 11, Naiwieng 1975 ka dei ka nuksa kaba biang bha ba ka sorkar jong u Mukul ka dei ban pule. Dei lyngba kum kine ki jait dulir ne jingiakren haka miej ka jia iaka Nagaland haduh u pud ba naka Seng NNC ba la ialam da u Phizo la kha pat sa kawei ka seng kaba kham khlaiñ arshah ba la tip kum ka NSCN.
Kano kano ka jingiakren ne jingpyndem kan nym don jingmut lada ka Sorkar kam lah ban weng iaki jingeh kano kano ka jaidbynriew lada kam lah ban ai ryngkat ka jinglaitluid. Lah bunsien kumka seng kai iai ban ba ka jingsuk ka khamlah ban iaka thma,haduh arsien kila la dep ban pynbna ba ka sorkar ka dei ban thung ia u ksiang hynrei hadien kawei pa kawei kaba ki buhpor ka sorkar kam patiaw wat haduh u pud ba ki la rai ban nym khot pakhang shnong haka Independence Day bad Republic Day, ka seng mynta kan pyntriem biang kum ka jing pynkyndit ba ki dang khlaiñ kumba ka jia ha Lad rymbai bad Jhalupara,sniewbok pat ba ka HC bad Secretariat ki dang lait naka kam pyntriem jong ki kam u Bah Nongtraw ha ka kyrwoh.
Ka jingiatreilang jong ki bad ka ULFA kam dei kaba dang thymmai namar wat u Bah John kharkhrang u C in C ba nyngkong ka Seng u pyndep ban pyntbit iaka jinghikai lem bad ka ULFA. Kyntang iawai, ka HNLC ka kyntu iaki Sengbhalang, ki Seng saiñ hima,
khamtam kito kiba pyrshah ia u CM ba kin shimti iaka sap bad ka matti u phadar Sngi(bam kwai ha duwar u Blei) kumba ka la jia ha u snem 1978 naka bynta ban wanrah sa kawei pat ka ‘Sorkar Lai lama’, kumjuh ha une u 2016 lada lah kum shibynta ban weng iaka kynrum kynram ka saiñ hima ka jylla ba la wanrah daka sorkar congress ioh ba ka jingsynshar president kan hap kumba ka jia ha Arunachal pradesh mynta.Kum ban shu pynkynmaw hadien ka hukum u PM Desai(non-congress)mynshuwa ba lada ym lah ban thaw sorkar hapoh 12 pm yn ai noh daka jingsynshar president .
Kumta ka KSU, lem bad u phadar sngi ki la pynlong ka jingialang kaba heh ha kito ki por ha madan Malki hangta hi ki la pynsmai iaki party riewlum ban iatylli lym kumta u paidbah un shim iaka rai hakti, namar haba ia lympat ki hati iap ei ki dkhiew. Kumta Kane ka jingiakynad hapoh ka congress kan wanrah iaka jingma kaba khraw ia u paidbah khamtam ba ka ioh ka kot,ka kamai kajih,ka iohkam iohjam ka jylla kala nang tlot nang tlot. La ong u bah Saiñkupar Nongtraw Publicity Secretary,HNLC.
