Shillong, Nailar 10: Kat and ialehkai jong ka sorkar jylla kala sdang ia ka jingai jinghikai ha ka kam kynjat ball n aka bynta ki khynnah kiba hapdeng 7 bad 11 snem na kabynta ki kynthei bad ki shynrang ha madan polo ha u bnai Naitung ba la dep, ia kane la leh lyngba ka Prime Minister’s awarded initiative, ‘Hum Chuyenge Asman’ jong ka Bhopal, na Madhya Pradesh.
Ka jingthmu jong kane ka jingai jinghikai ka long ban pynlong ia ki khynnah ba kin sngewtynnad ia kane ka jingialehkai bad ha ka juh ka por ka long ba lada don na pdeng jong ki ki ban long ki rangialehkai bad ki thei ialehkai kin nang bad sngewthuh ia ki kyndon ialehkai ba leh se ki lah ban mih khmat ia ka jylla bad ia ka Ri ruh kum juh.
Ia kito kiba don ia ka sap ha kane ka jingialehkai yn jied ia ki bad ban pynrung ha ka “Youth Academy” bad n aka bynta kito kiba shah jied kin ioh ban pule ha katei ka Youth Academy ha kaba ia ka jinglut jingsep baroh kan bei da kane ka kynhun. Kane ka jinghikai kan long ar sien ha ka shitaiew kata kan long ha ka sngi thohdieng naduh ka por 4 baje haduh 6 baje jan miet bad ha ka sngi saitjainkan long naduh ka por 9 baje mynstep haduh ka por 11 baje JN Football Stadium.
Ia kane ka juh kajinghikai yn sa leh ruh ha barohki district ha u Nailur bad ia ki aplikoshon baroh ki dei ban shim lyngba jong ki District Sport Ophisar bad ban pynpoi sha ka department mynta u bnai. Kane ka long katkum ka kyrwoh kaba la phah lyngba ka tand ialehkai jong ka sorkar jylla.
