Shillong, Naiwieng 05: Ka nongiamareh na ka Ri Australia ka Samantha Gash kala pynkut mynta ka sngi ha Shillong ia ka jingmareh kaba 3000 km ha kane ka Ri India bad ka khubor kaba ka kwah ban ai na kane kajingiamareh ka jong ka long kaba “ Ka jingnang jingstad ka dei ka bor bah ban pynkylla ia ka imslang sah lang”.
Kane ka nongiamareh n aka Ri Australia kala leit ban jngoh ia ki 18 tylli ki jaka trei kam jong ka world vision ha kylleng jong ka Ri India bad kane ka jingmareh ka jong ka kala pynmih pisa haduh T. 70,86,000.00 lakh tyngka bad ia kane ka pisa yn pyndon kam ha kaba pynioh ia ka bam ia kito kiba duna ha ka jingioh bam, ban pynioh ia ka umbam umdih bad bay m doei ban don ka jingsngewpher shynrang kynthei kane ka dei ka jingwit kaba khraw tam ha ka wan rah ia ka jingpule kaba bit ba biang.
Kala sdang ia kane ka jingmareh ka jong ka ha ka 22 tarik Nailar na Jaisalmer jong ka jylla Rajasthan da kaba iaid lyngba ia ki phra tylli ki jylla jong ka Ri India bad mynta ka sngi pynkut noh ha kane ka nongbah Shillong ha madaon Polo.
Kane ka nongaimareh jong ka Ri Australia kala pynpaw ia ka jingsngew kmen ka jong ka ban ioh mareh ha kane ka Ri kaba don shibun bah ki jaid bynriew. Haba poi ha kane ka nongbah Shillong la pdiang burom ia ka da u u Bah F R Kharkongor Commissioner bad Secretary ka tand ialehkai jong ka sorkar jylla bad u Bah BPO Warjri u ba dei u Chief Information Commissioner jong ka sorkar ujylla. La pdiang burom ruh ia ka da ki trai shnong ha ka riam tynrai.
