Shillong, Lber 04: U bah Disparsing Rani wei na ki nongwat jingtip u la ong ba katkum ka National Education Act, 2019 ka kren shai ba ha ki Upper Primary Skul ka jingdon ki khynnah ka dei ban long ha ka jngbhah kaba 30 ngut ki khynnah skul 1 nonghikai, ha Lower Primary skul pat 35 ngut ki khynnah skul 1 nonghikai.
U Bah Disparsing u la ong ba ha ka jingshisha dei kam ram jong ka sorkar ban pyntrei kam ia katei ka rai jong ka kabinet kaba la shim ha ka 30th Naitung 2019, ka jingkren u bah Lahkmen Rymbui mytnri ba dei peit ia ka tnad pule ka jylla haba ia dei bad ki nonghikai SSA ka ktah.
Halor ka jingkynnoh u myntri ka tnad pule ia ki nonghikai SSA, u bah Disparsing la ong ba u kwah ban pynshisha lyngba ka RTI ia ki skul sorkar hato ki don katno ngut ki nonghikai, kane ka long tang ha East Khasi Hills District.
U Bah Disparsing la ong ba ki ka jingdon ki ksul sorkar ki don 163 tylli, ki UP Skul ki don 9 tylli, la ong ba kum ka Thynroit Government skul ki don tang 7 ngut ki khynnah, ha ka jingshisha ka sorkar kala dei ban pyntrei kam ia ka ain na ka bynta ka jingbit jingbiang ki skul.
La ong ba ka jingpynduh ka sorkar ia ki Lower Primary Skul ban long mynstep ha ki nongkyndong kala ktah, ka jingpynduh kala ktah ia ka jinglong tynrai ha kaba ia dei bad ki jingtrei ha ki nognkyndong kum ka kamrep, ka kam thain jignthain bad kiwei ki jingtrei ha ki nongkyndong kala ktah kane ka pynbun ia ka jingpep skul ki khynnah.
Ban ia tiplang da baroh, katkum ka RTI kaba la ioh ha ka 7th/ 01/ 2022 la kdew tang ia ki kato katne ki skul, la ong ba ha Mawlaiteng Govt UP skul ki khynnah skul ki don 14 ngut ki nonghikai 7 ngut, ka Mawsynram Govt UP Skul ki khynnah ki don 40 ngut ki nonghikai ki don 7 ngut, Mawphlang Govt UP Skul ki khynnah ki don 34 ngut ki nonghikai ki don 8 ngut kine ki long tang ki katto katne.
U bah Disparsing la ong ba kine ki skul sorkar baroh dei ba la siew tulop da ka sorkar bad ki skul SSA dei ba siew ka sorkar pdeng ban kren bein balei, la kren bein kren shuwa ia la de namar ba don 7 ngut ki khynnah skul 3 ngut ki nonghikai.
U bah Disparsing u la ong ba lada ka sorkar ka don kata ka jingkit khia ia ki skul, la ong ba kum ka Holy Child School ka don 494 ngut nonghikai don tang 1, kane ka jingleh ka don ei ei sha lyndet bad ka dei ka kam jong ki Inspector jong ki skul ba kin peit ban kren bein ia ki skul ban kren bein ia ki skulba seng da ki balang ne kino kino ki kynhun ka long kaba ym lah ban pdiag.
