Shillong, Risaw 16: Ka KHNAM kam pat lah ban pdiang ia ka lynti rell ha Jylla bad ia kane la ong u Bah Adelbert Nongrum working president jong ka KHNAM, halor ka jingkren jong u Bah Vincent H Pala MP ha kaba ia dei bad ka jingthmu ban pynrulong noh ia ka jingshna ia lynti rel sha kine ki lum khasi.
Ha ka kyrwoh kaba la phah mynta ka sngi sha ki lad pathai khubor la ong ba lyngba ki kot khubor ba la mih ha ka 15 Oct 2016, ka seng kala iohi ia ka jingthrang jong u MP ka Shillong Bah Vincent H Pala ban pyniasoh noh ia ka Meghalaya da ka lynti rell bad kiwei pat ki jaka jong ka ri India.
Hynrei na ka liang jong ka seng KHNAM ka dang iai ieng ha kajuh ka nongrim ba kim pat lah ban pdaing ia ka lynti rel ha ka jylla lada ym pat lah ban wanrah shwa ia ki mechanism ban iada ia ka jiatbynriew jong ngi na ka jingrun kyrthep ki mynder.
Kum ba iohi mynta kim pat don kino kino ki dak ki shin lane kita ki mechanism ban khanglad ia ka jingrung kyrthep ki mynder ki ba wan na ki ri ba para marjan. Ki Entry Exit point ki ba la ia kren la jan saw snem kam pat poi shaei shaei ruh, ha kawei ka liang u Dr Mukul Sangma myntri rangbah ka jylla u ong ban pynstet noh ia kane ka kam, hynrei ka jingshisha ka long ba tang ka jingshim jaka lane Land Acquisition ruh ym pat dep kumba la paw ha ki kot khubor ha kine ki khyndiat sngi.
ka Infiltration Gate bad ka Infiltration department kaba la don la bun snem mynta ka khlem lah ban khanglad ia ka jingrung ki mynder, bad kine ki entry exit points lada ki urlong ruh, hadien bun bun snem bad ki District Task Force, kin lah ne em ban khanglad ia ka jingrung ki illegal immigrants? kam pat long kaba shai.
Ka KHNAM ka iohi ba ki MP jong na Shillong kim rah ia ki mat jong ka jyllla bad ka jaitbynriew ban iasaid shitrhem bad ka Sorkar Pdeng, hynrei la iohi ba ki kloi ban wanrah tang ki issue lane ki project jong ka Sorkar Pdeng sha Meghalaya lada dei u Uranium lane ka lynti rell, Kane ka paw ba ki la pyrkhat tang ia ka National Interest ym ia ka State Interest.
Kumba ka long mynta hi la ong ba la kylla ki rit paid ha la ka jong ka ri bad kum ki trai ri trai muluk hap ban husiar bha ioh ka jaitbynriew jong kan duh ka dam, ka ban long ka jingtim ia ki pateng ban wan. Ka KHNAM ka pynrem jur ia kane ka jingpyrshang jong u MP ka Shillong Bah Pala bad ka seng ka pyrshah jur ia ka jingwan jong ka railway ha ka jylla.
Ka KHNAM ka ong ba ia kaba mynta hi tang ka ILP kaba lah ban khanglad ia ka jingrung kyrthep ki illegal immigrants, lada U MP ka Shillong u kwah ban pynstet iaka lynti rell haka jylla ngi kyrpad ban pynstet ban iasaid ha Delhi bad wanrah shwa daka ILP ha ka Meghalaya. Ka seng kan sa thoh ruh sha ka KHADC ban ym ai NOC satia naka bynta kane ka jingthmu lynti rell jong ka sorkar pdeng.
