Shillong, Kyllalyngkot 13: U Bah Pyndapborthiaw Saibon president jong ka KHNAM, u la ong ba ka party kan nym ithuh ia kata ka State Youth Wing ki ban sa jied ha ka 15 tarik mynta u bnai.
La ong ba haduh mynta ka KHNAM ka dang ithuh ia ka State Youth Wing kaba la jied ha ka jingialang paidbah kaba la long ha ka 28th kyllalyngkot 2017 ha kaba u Bah Thomas Passah u dei u president jong ka Youth Wing jong ka party KHNAM.
Na ka liang jong ka KHNAM lada don kano kano ka jingjied thymmai ia ki nongkit kam kumba la paw ba kan long ha ka 15 tarik mynta u bnai kan nym ithuh namar haduh mynta ka Central Executive Committee ka pat jied thymmai ia ki nongkit kam jong ka State Youth Wing.
Haba ia dei bad ki kyrtong MDC jong ka KHNAM na Jaiaw bad ka Mawkhar-Pynthorumkhrah dang dei hi u Bah Thomas Passah bad u Bah Rocky Hek bad kam shym pat don kano kano ka jingpynkylla, la ong u bah Pyndapborthiaw Saibon president ka KHNAM ha ka kyrwoh kaba la phah mynta ka sngi.
