Shillong, Iaiong 6 : Ka skul ba nyngkong ha ka dong shatei lam mih ngi jong ka ri India, kaba la plie kyrpang eh tang na ka bynta ki kynthei ka dei, Khasi Jaintia Presbytarian Girls’ Higher Secondary School kaba don mynta ha mission , ha shillong , la ong u Rev J.P.L Gadew President jong ka managing committee jong ka skul .
Haba kren ha ki nongthoh khubor mynta ka sngi ha shillong press club u Rev Gadew u la iathuh ba ka jingeh kaba nyngkong kaba ka skul ka ia kynduh ha u snem 1887 , ba bun na ki longing longsem kim kwah ban phah skul ia ki khun kynthei , kawei ka jingeh ka dei ka rukom pyrkhat ba lada phah skul ha katei ka skul kaba la pyniaid da ka balang ba lehse kin sa pynkylla khristan
Hapdeng kine ki jingeh ka skul ka la iaid shakhmat ha kaba bun ki riewkhraw ki la mih na kane ka skul , ym tang na kane ka jylla Meghalaya hynrei kum na ka jylla Arunachal Pradesh , Nagaland , Mizoram , Sikkim bad kum na ki bynta jong ka Dargelling , bad mynta kane ka skul shen kan sa pynkut ia ka jingrakhe ia ka jingdap 125 snem ha u bnai jylliew mynta u snem .
Kum shi bynta ban pynphuh pynphieng ia kane ka jingrakhie u president ka KJWA u bah G. Reenbon ula iathuh ba ka seng kan pynlong ia ka jingiamareh ha ka 27/ jymmang/2017 kum shi bynta ban pynmih pisa na ka bynta katei ka skul . La antad ba 2000 ngut ei ei kin ia shim bynta kin ia poi ha katei ka sngi .Ki nong ia shim bynta kin long ha ki lai kyrdan ki khynnah kiba 6 haduh 9 snem , 10 haduh 13 , 14 haduh 17 bad ia ki baheh kan long 18 snem shaneng .
Kiwei kiba ia don lang ha kane ka sngi ka long ka kong H.M Marwein principal jong kane ka skul . Ki khynnah skul baroh kiba don mynta ki long 1617 . Ia ka jingplie ia kane ka jing rakhe la plied a u Dr Mukul Sangma myntri rangbah ka jylla ha ka 8/jylliew/ 2016 .
