Shillong, Lber 15: Ka Lady keane College kaba dei kawei na ki shlem ai jinghikai ia ki samla pule Kynthei ha ka Jylla mynta ka sngi ka 15 tarik u Lber 2024 ka la pynbna paidbah ba na duh mynta u snem 2024 kan sa pdiang noh ruh ia ki samla pule shynrang.
U bah W Khyllep u ba dei u retired IAS jong ka Jylla u ba dei ruh u President ka Governing Body jong ka College bad u Dr Khlur Mukhim u ba dei u Principal jongka College ha ba kren sha ki ladpathai khubor ki la iathuh ba ka college na duh mynta u snem kan pdinag ruh ia ki samla pule shynrang ki ba pule ha ka Science bad kumjuh ruh ki Profesional Course kum ka Tourisms, computer science, Fashion Designing bad kumjuh ruh ka Traditional Music.
U Dr Khlur Mukhim u la ong ba kat kum ka jingkylla jong ka por mynshwa ki briew ki dang syierbiej hynrei ha kane ka juk ba mynta ymtang ki kynthei ne ki shynrang hynrei ka shong kat kum ka jinglah khamtam ha kane ka juk jong ka jing nang jingstad.
U la ong ruh ba kane ka sien jam ba ka college ka shim kan long ka jingmyntoi ia ki samla pule shynrang bad kynthei ba kindon ka mynsiem ia khun bad ban ia burom markylliang.
kum ba la sngew thuh ba ka Leady Keane college ka dei tangna ka bynta ki kynthei hynrei U Dr Mukhim ha ba jubab ia ka jingkylli u la ong ba kane kamdei shuh ka ba dang thymmai hynrei mynshwa ka St Edmund kam don samla kynthei ban leit pule, hynrei mynta la bun ngut ki samla kynthei ki ba la leit ban pule ha katei ka college.
U la ong ruh da ka ba ailad lang ia ki samla shynrang ba ki ioh ban pule ha kane ka College kan wanrah ia ka jingsngew para lok bad ka jingsngew ia jan iwei ia iwei pat.
U la ong ruh kane ka jingplie lad ka College ka long ban kham pynbun ia ki samla pule science ha kane ka college. Kumta wat lada ki bor pyniaid ki la pdiang ia ki samla pule shynrang ruh kam shymdon kano kano ka jingthmu ban pynkylla kyrteng ia kane ka College.
