Shillong, Nailar 21: ka seng Khasi Student Union (KSU) South West Khasi Hills Districtmynta ka sngi ha ka jingpynlait khubor jong ka, kila ai ka jingkyrshan ia ka jingdawa jong ka KSU Nongtrai bad ka Lafarge Umiam Mining Pvt. Limited (LUMPL) ka dei ban ai kam ia ki trai shnong jong ka shnong Nongtrai.
Ka seng KSU SWKHD, ka kyrshan ia ka jingdawa jong ka seng na Nongtrai ba ki dei ban ioh ia ka kot iateh kular hapdeng ka shnong bad ka company bad b aka dei ban ai kam ia ki trai shnong, la ong u Bah Bhalang Kharbani u ba dei peit ia ka lad ioh kami oh jam jong ka seng KSU.
Ka seng ka pynrem jur ia ka LUMPL kaba la iai beteng ban ai ia ki briew kiba na bar, ha ka jaka ban ai ia ki trai shnong kiba la lah ban trei ia ka kam.
Ka KSU ka ong ba kajingbym lah jong ka company ban ai ia ka kot iateh kular hapdeng ka shnong bad ka company kane ka kdew shai kdar ba ki don ei ei sha lyndet ban buhrieh na khmat jong ki paidbah, ka seng ka ai jingkyrshan ia ka unit Nongtrai kaba ialeh n aka bynta jong ki paidbah.
