Shillong, Kyllalyngkot 02: Ka myntri ka koit ka khiah jong ka sorkar jylla ka kong Roshan Warjri , ka long ba ka long kaba don kam ban ia mir jingmut bad ki khun samla ban btin lynti ia ki ba kin poi sha ka thong jong ka jingim jong ki la ka long ha kano kano ka bynta, ka myntri kala ong ia kane ha ka jingialang pynkut noh ia ka jinglehkmen ki khun samla ka shong Wahthapbroo kaba juh long man u snem kaba juh long ha ka 31 tarik jong u bnai Nohprah 2016.
Ka kong Warjri ka la ong ba kane ka pynlong ia ka taiew lehkmen hapoh shnong pohthaw ka long ban wanrah ia ka mynsiem jingiatrei lang kum ka shnong kum ki nongshong shnong khlem don don kata ka jingianiew shiliang la u dei na kano kano ka jaidbynriew bad ha kane ka taiew lehkmen ki khun samla kila ioh ban pynpaw ia ki sap ki phong kaba ki don.
Wat hapdeng ki jingeh kiba bun ba kum ka shnong kala ia kynduh hynrei ka jingiatrei shitom bad ka jingiashah kala wanrah ia shibun ki jingkylla ha ka raoi ka par hapoh jong ka shnong ka thaw da kaba pyntrei ia ki skhim bapher bapher kiba poi hapoh jong ka shnong.
Ka kong Warjri ka la ong ba ka long kaei kaei kaba sngewtynnad ban tip ba ki khun samla napoh kane ka shnong kila paw ym tang hapoh jong ka jylla ha ki kam ialehkai hynrei wat sha bar jong ka jylla ruh kumjuh. Ka long kaei kaei kaba bha ba ka shnong kala ai burom ia ki khun samla kiba la pass bha ha u snem bad la dep bad mynta ka long ba kum ka shnong ka pyndon burom ki nongshong shnong kiba rangbah ha ka rta. Ka long kaba itynnad ban ioh ba ka don ka jingburom ia ki tynmen ki kro jong ka shnong.
Ha kane ka taiew leh kmen ka seng samla Wahthapbroo ka long pynlong ia shibun ki jingialehkai, kum ka jingiamaren Marathon, ka jingiakop shad, ka jingiakop dro dur, ka jingialehkai , Carom board , ka jingialehkai arm-wrestling bad bun na ki nongshong shnong kila ia shim bynta ha kine ki jingiakop baroh.
Ki ba la ia don lang ha kane ka sngi pynkut ia kane ka taiew leh kmen kaba dei ruh ka sngi ba kut jong u snem 2016, ki long u rangbah shnong ka Wahthapbroo u bah Raja Shullai u ba la kren pdiang burom ia ka kongsan bad ki nongkit kam shnong, u Bah Kyrshan War, u Ajay Gupta kum ki shah khot sngewbha bad rungkat ki paidbah nongshong shong shnong kiba la don lang ha kane ka sngi.
