Shillong, Kyllalyngkot 13: ka jylla Meghalaya kala ioh T.84.95 klur tyngka na ka bynta ban shna pynbha ia ki jaka jngohkai pyrthei na ka skhim “PRASHAD” lyngba ka tnad jngohkai pyrthei jong ka sorkar pdeng.
Ki jaka jngohkai pyrthei kiba ka jylla ka ioh ban pynbha ki long, ka “Krem Tirot” ha Nongkhlaw, ka kshaid Khudoi bad Kohmang jong ka wah Khri kaba don ha Mawthadraishan jong ka West Khasi Hills, ka kshaid Krang Suri, Shyrmang kiba don ha Jiantia Hills District.
Katba ha Garo Hills ka dei ka Nokrek Reserve, Katta Beel, Siju Caves, kine ki jaka wat la ki long ki jaka kiba I tynnad hynrei ki dei ki jaka ba jngai ha kane ka jylla Meghalaya, lyngba kane ka pisa yn shna ia ki madan na ka bynta ban lah ban pynlong ia ki tamsa ha ki District.
