Shillong, Rymphang 01: Ka seng MSSASA kala beteng ia ka jingiakhih ka jong ki ban pyrshah ia ka jingle thulmur jong ka National Institute of Open Schooling (NIOS), bad ia ka jingbym lah jong ka ban pynbeit ia ka resolt kaba la pynmih ha snem 2015 jong ka kynhun training jong u snem 2013.
Kane ka jingiakhih kaba ar jong kine ki nonghikai ka long da kaba phah ia ki shithi jingpyrshah ka jong ki sha ka ophis jong u prime minister officer kaba la sdang naduh ka 30 tarik jong u bnai ba la dep bad kan kut ha ka 4 tarik mynta u bnai.
Halor kane ka seng ka khot ia baroh ki nonghikai na ki district bapher bapher jong ka jylla ba kin ia poi lang ha ka jingalang kaban long ha ka 3 tarik mynta u bnai ha Shillong ban ia kren ia kane ka juh ka kam ba kumno kin dang leh nangne sha khmat kane kalong katkum ka jingphah khubor jong u Bah H Marbaniang GS jong kaseng.
