Shillong, Naiwieng 13: Ka National Book Trust (NBT),ka tnad jong ka HRD,jong ka sorkar pdeng da ka jingiatreilang bad ka North Eastern Council (NEC) kan pynlong ia ka jingai jinghikai ha kaba ia dei bad ki kam shon kot naduh ka 15 tarik mynta u bnai ha ophis jong ka NEC ha Shillong, bad kane k aka jinghikai kan long ka sien kaba nyngkong eh ha kane ka jylla Meghalaya.
Ha kane ka jingai jinghikai ka NBT bad ka NEC kala khot ia shibun ki briew kiba la tbit ha kane ka kam kin wan ban ai jinghikai ia ki briew kiba wan ban ia shim bynta, ha kane ka jingai jinghikai yn batai ruh ia ki kor ki bor kiba don ha kane ka juk kaba mynta ha kaba ia dei bad kane ka kam shon kot.
Kane ka jinghikai kam dei tang ban pynlong ia ki briew ba kin sngewthuh ia ka kam hynrein kan pynlong ruh ia ki samla kiba don ia ka mon ban trei ia kane ka kam kum kawei na ki lad seng kam seng jam ha kane ka dong shatei lam mih ngi jong ka jylla bad kham tam eh ha kane ka jylla Meghalaya.
