Shillong, Lber 24: U bah Gigur Myrthong nongialam ka parliamentary party jong ka NPP ha KHADC la ong ba kin nym tuklar ia ka kam poh iing ka UDP hapoh jong ka KHADC, kum ka party kan bat ia ka kular kaba kila dep ia kular naduh bas dang.
Haba kren ha u SP News Agency u nongialam jong ka Parliamentary party ka NPP u bah Gigur ba dei ruh u Deputy Chief Executive Member ha KHADC, la ong ba kin nym tuklar ia ka kam poh iing ka UDP, lada ki iapara pat ha pdeng jong ki kin hap ban shimti ia ka jingsynshar hapoh KHADC.
Ha ka jingdon ki dkhot ka iing dorbar ha KHADC ka NPP kala don 10 ngut kiba jop na ka party bad kiba la wan pyniasoh bad ka party, lada la wan sha u bah Teiborlang Pathaw kin don 11 ngut ha ka iing dorbar kaba 30 ngut.
Kumba la paw ha ki lat pathai khubor ba ka jingiakren haba ia dei bad ka kam CEM hapoh KHADC hapdeng ki nongialam jong ka party UDP kam dei shuh tang ha kam poh iing hynrei kala paw pyrthei wat ha ki lat pathai khubor ha pdeng u CEM ba mynta bah Titosstarwell Chyne bad u bah Paul Lyngdoh.
