Shillong, Naiwieng 22: U bah Lamborsing Nongrum kyrtong jong ka seng Congress na ka Nongkrem Constituency, u la thep ia ka nomination jong u mynta ka sngi ban ia khun ia kane ka MDC Election shiteng samoi na katei ka jaka.
Haba kren ha ki nongthoh khubor shuwa ban leit thep ia ka nomination paper ka jong u u la ong ba u dap da ka jingkmen ban iohi ba u Bah Ardent Basaiawmoit u hiar shuki noh bad kane kala plié ka lad ia u ban ia khun ia kane ka election. U la ong ba u la trei kum u nongialam seng bhalang ha kine ki snem kiba la dep bad mynta u kwah ban ai ka jingshakri ia u paidbah ka Nongkrem Constituency.
Haba jubab ia ki jingkylli ha kaba ia dei bad ka seng Congress u bah Nongrum u la ong ba “ Ka seng Congress ka long ka party kaba bha, kam dei kaba sniew hynrei don kiba la pynsiew da kaba ialam bakla, hynrei um shym la kren shai mano kita”.
Haba phai sha u Dr Mukul Sangma kum u myntri rangbah ka jylla u la ai ka jingiaroh ba kum u myntri rangbah ka jylla u la trei bha ia kane jylla, hynrei ka shu don ka jingbym ia sngewthuh jingmut bad u bah PN Syiem CEM jong ka KHADC bad kum ka party kaba heh ka juh don ka jingiapher jingmut hynrei ia kane dang lah ban ia pynbeit.
Ka jingiakhun “ Jong nga ia kane ka election nga ia khun kum u kyrtong jong ka seng Congress, bad ki paidbah na nongkrem kin peit party ki peit ia u briew bad kane ka dei ka lad kaba u la ioh ban ia khun ia kane ka election ban shakri ia ki paidbah jong ka nongkren constituency.
