Shillong, Jymmang 17: U president ka Meghalaya Pradesh Congress Committee (MPCC) u bah DD Lapang ula krenshai kdar ba kino kino ki nongtrei party, ki briew jong ka party kiba ialeh pyrshah ia ka seng la ki dei ki MLA ne tang ki dkhot jong ka party ruh ka seng kan pynshitom ia ki.
Haba kren ha ki lad pathai khubor hadien ba la kut ka jingialang jong ka MPCC, u bah Lapang u la iathuh ba ka seng ka la pynkhreh na ka bynta ka election MLA sha ka iing Dorbar thawain jylla ka ban long ha bas dang jong u snem 2018. La ong ba ki dkhot jong ka seng Congress kiba la register ki la don kumba 262200 ngut. Kine ki long kiba la pynthymmai bad kiba la rung thymmai hapoh ka seng.
Haba iadei bad ka jingujor jong ka Jowai Block Congress Committee pyrshah, ia u myntri ba dei peit ia ki kam bording u bah Sniawbhalang Dhar, u bah Lapang u la ong ba ka JBCC kala phah ia ka jingujor lyngba ka District Congress Committee sha ka MPCC.
Haba la kylli hato u la ioh pdiang na em ia ka shithi jingujor, “Hooid nga la ioh pdiang, hynrei ngam pat ioh ban pule” lah ong u bah Lapang. U ne u nongialam ula ong ba ka seng kan sa but iaki rukom treikam jong ka party ladei dei ban khot hajir lada dei iano iano ruh kat kiba ialeh pyrshah ia ka seng.
