Shillong, Jylliew 09: ka National Green Tribunal (NGT) ka Special
Circuit Bench jong ka Eastern Zone mynta ka sngi ha ka jingshong bisahr kaba la long ha Shillong kala pynneh ia ka rai kaba la ai ha ka 17 tarik jong u bnai Iaiong , ha kaba ka NGT kala khang ia ka jingtih dewiong thliew khnai, ha kane ka jylla Meghalaya.
Ka jingshong bishar mynta ka sngi ka long ban halor ka jingkhang ia ka jigntih dewiong thliew khnai bad ka jingphah ia u dewiong bad ka jingkynnoh bad ki don ki khynnah kiba trei ha kane ka kam tih dewiong bad kajingiap jong ki briew ha South Garo Hills ha ka jaka tih dewiong.
Ha kane ka sngi ka NGT kala hukum ban thaw ia ka committee kaban leit jngoh ia ki jaka tih dewiong ban lap ia ka jingshisha haduh katno la tih dewiong bad katno dang sah ha lum bad ban wad ia ki lat ki lynti kumno ban pynkhuid noh ia u ba dang sah bad kane ka committee ka dei ban phah ia ka kaiphot jong ka.
Ia ka royalty ka ban ioh na ka jingdie ia u dewiong ynsa ia bhah hapdeng ka sorkar jylla, ki District Council bad kaba bun na ka pisa kan leit sha kito ki trai ba don ia u dewiong. Ia kane ka jingbishar kaba la shim mynta ka sngi la khlieh da u Justice Swatanter Kumar ha kaba la synran lang ia u da u dkhot jong kane ka committee u Ranjan Chatterjee, Chief Secretary ka jylla ba mynshuwa.
Haba kren ha ki nognthoh khubor u Muktiar ODV Ladia u ba dei u State Coordination
Committee of Coal Owners, Miners and Dealers Forum, u la ba ka phang pdeng jong ka rai kaba la ai mynta ka sngi ka long ba ia mynta dei ban sangeh kane ka jingtih dewiong thliew khnai.
Haba kren halor kane ka rain a ka liang jong ki nongkhaii, Coal traders bad exporters ki kim sngewhun ia kane ka jingrai jong ka khang tih dewiong bad mynta ka long kaba eh ia ki ban sdang da kawei pat ka jingim ban sdang thymmai ha ka trei ka ktah.
Na ka liang jong ki nongkhaii kila pynksan ba kane ka jingtih dewiong thliew khnai ha kane ka jylla ka long kaba bha ha ki jaka lum kum ha Meghalaya namar kam ktah ia ka mariang namar kane ka kam kala sdang naduh ki por ba ki phareng ki dang don ha kane ka Ri India. Da kane ka jingsangeh tih dewiong sha ei kin ia leit.
Kumba ka long ka jingim jong ki ka dei tang na u dewiong bad kane ka long ruh ka sorkar jylla da kaba shim ia ka royalty bad ka sorkar pdeng ka ioh ia ka pisa ia pein jong ki bar Ri. Kane ka rai kan buh ia ki ba bun mynta ha ka jingeh kiba im na kane ka kam.
Ha kane ka sngi la iohi ba da ki hajar ki paidbah kila ia tuid sha kane ka jingbihsar bad ki nongkhaii ruh kila ia ap sha bar ban tip kaei kaban mih na kane ka jingbishar. Na ka liang jong ka sorkar ruh kala buh shibun ki pulit pahara ha kane ka sngi.(SP News)
