Jowai, Naiwieng 17: U Deputy Commissioner jong ka West Jaintia Hills District u Arunkumar Kembhavi, u la on ba ka jingdon jong ki pisa ha kala sdang ban wan dur biang bad ka jingieng lain jong ki briew kala sdang ban duna, kane kala long ha jan baroh ki bank lait noh tang hapoh jong ka Apex Bank.
Ia ka Rural bank la bthah ia ki ba kin ia sngewthuh jingmud bad ka bank jong ki kaba don ha Jowai, namar ba ka dang don kane ka jingkylla kynsan ki paidbah kim lah ban shu dawa beit tang ia ka lut shipsah, arphew lane shiphew na ki jaka shim pisa, la bthah ia ki bank ba ia mynta kin ai da ki lut ar hajar bad ki pisa khutia.
U DC jong ka West Jaintia Hills, u la batai ruh ba ka jingdon ka pisa khutia tang hapoh jong ka UBI bank ka long ki don ka shityngka Re 1-192500, Rs 2-295000, Rs 5-12500, Rs 10-1860000. Baroh ka jingdon ka pisa khutia ka long T. 23,60,000/- bad kane kala biang na ka bynta ka District kane kam shym khien lang ia ki pisa khutia kiba don ha kiwei ki bank kum ha ka bank SBI.
La ong ba ki don ka jingkyrmen ba la shai ka sngi kan dang don shuh ka jingpoi ki pisa thymmai na RBI Guwahati bad khamtam eh ka lut san spah bad u don ka jingkyrmen ba kane ka jingeh kan sa jai jia noh tang ha kine ki khyndait sngi.
Haba ia dei bad ka pisa khutia kaba T.10 tyngka la ong ba haduh mynta kam shym don kano kano ka jinglap ba kan don ka pisa thok, la ong shu shuh ba na ka liang jong ka RBI kala ai ka jingbethah ba lada don mano mano ban kyntait ban pdiang ia kane ka pisa khutia ba shiphew tyngka ki lah ban shah kem bad kin ngat ha ka jingshah pynshitom jong ka ain.
Ha ka juh ka por la mano ia ki nongdie dukan ba kim lah ban pynbor ia ki nongthied jingthied ba kin thied ia kaba ki kam kwah, la bthah ia ki paidbah ba lada don mano mano ba leh ha kane ka rukom kin pyntip ha une u number whatsapp @ 9436394363. La ong u DC ka West Jiantia Hills District u Arunkumar Kembhavi.
