Shillong, Jylliew 07: U bah Ardent Miller Basaiawmoit u ba long u President ka seng Voice of the People Party (VPP) Hynne ka sngi u la pynpaw ia ka jingsngewhun ka sorkar ka la thaw ia ka Expert Committee ka ban peit bniah ia ka Mat Reservation Policy.
Une u nongialam ka VPP U la pynpaw ia ka jingsngewhun bad ka jingshaniah ba ka la don kata ka Expert Committee kaban peit bniah halor ka bhah thung kam thungjam ha ka jylla, ha kaba u la ong, kumba ka sorkar hi ka la pynpaw ba ki ban don bynta ne ioh long dkhot ha Kata ka Committee ki dei ki ba la nang la stad.
“Ka Reservation Policy kam kut eh tang haba ia dei bad ki kam Sorkar, hynrei kumba bun hi ki Private sector kiba mih ha ka jylla kane ka dei kawei ba ka sorkar hi ka dei ban kham shimkhia bha ban peit ha ka bhah thungkam thungjam kan ai jingmyntoi ia ki khynnah samla ” u arden u la ong.
U la ong ba na ka liang ka party ka don ka jingkyrmen ba kane ka committee kan kut kumba long ki ba bun ki Committee ba la thaw ki ba khlem poi hari haei ruh. Na ka liang ka party kan sa iai budien ia ka jingtreikam jong kane ka Committee , kumjuh ruh kan sa phah da ka jingthoh sha ka sorkar ban kyntu ban pyntrei kam hok ia kane Expert Committee.
U bah Ardent u la kam ba lyngba ka jingiakhih Reservation Policy ka pynlong ia ki paitbah, ki sengbhalang ba pher ba pher, ki wan ban ai jingkyrshan bad kane ka pynpaw shai kdar ba ki sngewthuh ba ka dei ka mat ba donkam bad lyngba kane la iohi ba la saindur thymmai kaba lah ban tei ia ka jingialong shitylli jong ka jaitbyndriew.
U bah Ardent u la kyntu ia ki paralok Garo ba kim dei ban tieng ban sngewpher ia ka VPP, Hynrei kaei kaba ka party ka kwah ka long tang ban weng ia ki jingeh ba la iakynduh mynta la 50 snem. Namar ka party VPP hi kam shym don kata ka jingmut ban tuh ia ka hok jongno re jongno.
