Shillong, Kyllalyngkot 02: Ka jingjia ia klumar hapoh ki Weight Bridge kam ju kut ha ka jylla jong ngi, kawei hadien kawei bad kiba kylla long langknia pat barabor ki dei ki draibar bad kiba luilui ha ki snem ba la dep kum kane ka jing jia ka jia ha Umling,ha Amlarem.
Kumta halor kane ka bynta kala dei ka bynta bad ka por ia ka sorkar jylla ban aiti noh sha ka CBI ban tohkit ban lap ia ki jingshisha ban sei madan mano ba donkti shisha na kaei ka daw bad don aiu ha lyndet jong kane ioh dei pynban tang ki kam thombor ne kamai pisa jongno re jongno.
Namar lada iaid katkum ka ain ym don jingeh ban lap ia ki jingshisha bad ban teh lakam namar katkum ka “Meghalaya Installation,regulation,maintenance and Operation Rules, 2009” ka kdew shai ba man kawei pa kawei ka Weight Bridge ka dei ban don ia ka CC TV, ki computer sets ki printer bad kiwei ki jingdonkam ban shai ka rukom Treikam.
Dang shen lyngba ki lad pathai khubor la iohi ba ka mih ka jingiaklumar hapoh ka Mawpun Weight Bridge,west khasi hills district,Meghalaya bad ka jingkynnoh ba mar kylliang hapdeng ki bor pulit, nongtrei jong katei ka Weight brigde bad u bah Shainingstar Khardewsaw.
Kumta ban wanrah ia ka jingshisha bad ban pynshitom katkum ka ain ia kiba donkti lada dei mano mano ruh kumjuh ruh ka sorkar ka dei ban shimkhia bha naduh ki District administration, ki bor pulit bad ka sorkar khnang ban khanglad shisyndon ia ki riew shim kabu bad kum kine ki jingjia kam dei shuh ban dang bteng. ong u samla Egenstar Kurkalang President BJYM Meghalaya.
