Shillong, Naiwieng 30: Ka Kiang Nangbah Government College Student Union (KNGCSU) ka 29/11/16 kala leit ban ïakynduh ïa u Director of Higher and Technical Education (DHTE) ka sorkar jylla, u Ram Singh IAS, bad ai ha u da ka dorkhas ban dawa pynïoh Principal bad Vice Principal ba pura ïaka Kiang Nangbah Government College.
Ka KNGCSU katkum katei ka dorkhas kala ai por haduh shi taiew ia ka tnat pule puthi ban pynioh Principal bad Vice Principal ha kane ka college naka liang jong kine ki Nongialam jong kane ka college U samla Justice Paul Lyngdoh General secretary ka KNGCSU u lah ong ba lada ka sorkar kam lah ban pynioh iaka jingdawa kaba donkam eh jong kane ka College hapoh kine ki sngi kiba ngi lah dep ai por katkum ka dorkhas ba lah dep buh hakhmat ki nongkhmih jong kane ka Tnat pule puthi te naka liang jong ngi ngin pynlong da ka jingiakhih da kaba ia mih paidbah ha kine ki sngi ki ban wan.
“Ngi hap ban pynkynmaw iaka sorkar jong ngi ba ka don ka Kiang Nangbah Govt College Jowai ioh ba ki klet, namar ngi iohi ba ka sorkar ka lah mut ban leh klet iakane ka College jong ngi hapoh Jaiñtia Hill”. Kumjuh nakaliang ka KNGCSU kala pynpaw ba hadien ba la shongthait ka Principal barim ka kolej kong JMQ Lyngdoh naduh ki bnai ba lah dep la shu thung da u Acting Principal ha katei ka kolej kaba la wanrah jingeh ban pynïaid shakhmat ïaki kam ka kolej bad kaba ktah ruh ïa ki samla pule ban pynlong ïa ki prokram bapher bapher bad ki study tour.
Na kaliang ka KNGCSU kala kyntu ïa u Director ka tnad Pule Puthi ban shimkhia ban thung noh da u Principal ba pura nalor kata ban thung ruh ïa u Vice Principal ka kolej kaba la sah thylli la bun bun bnai mynta.
