Shillong, Lber 04: U Lat ka jylla u Satya Pal Malik haba kren hapoh ka iing dorbar thawain ka jylla ha ka sngi sdang ia ka dorbar mang tyngka jong u snem 2022-2023 la ong ba ka sorkar kala ioh pdiang ia ka shithi ia kren ia suk na ka seng lehnoh HNLC bad ia kane la pyntip sha ka sorkar pdeng.
U Lat ka jylla la ong ba ka sorkar ka kwah ba kane ka jingiakren ia suk kan poi sha ka thong ka sorkar jylla kala iakren bad ka tnad kam poh iing jong ka sorkar pdeng ban peit ba kane ka jingiakren kan poi sha ka thong.
Haba ia dei bad ka ka kam pynbeit pud bad ka jylla Assam la ong ba ka sorkar kala shim khia bha ia kane ka bynta ha ki 6 tylli ki jaka ha, Tarabari, Gizang, Hahim, Boklapara, Khanapara, Ratachera bad Pilangkata bad ia kane ka jingiakren la phah sha ka tnad kam poh iing.
Haba kren ia ka tnad Information technology bad Communication, la ong ba ha jylla Meghalaya ki shnong kiba la ioh Internet ki long 78.5%, ki briew kiba la pyndon kam mobile ki don 79.59% bad ki briew kiba pyndon kam mobile kiba pyndon kam ia ka internet ki don 69.85%.
Ha ka jingkren na ka liang jong u lat ka jylla u la ktah lut ia baroh ki tnad sorkar nalor kitei kiba la kdew ha neng, ha kane ka jingkren u lat u la kdew ia kiba bun ki kam kiba ka sorkar kala dep bad kiba kandangleh ha kane ka snem mang tyngka 2022-2023.
Ha kane ka jingkren jong u Lat ka jylla mynta ka sngi kala paw biang ka Meghalaya State Zoo, ha Umtrew ha Ri Bhoi District ia kaba ka sorkar ka la mang pisa T.35 klur bad kane ka jingtrei kala iaid sha khmat.
