Shillong, Jymmang 21: Ka tand sam bam sam dih jong ka sorkar jylla kala dep ban sei ia u khaw roshon na ki kudam jong ka Food Corporation of India (FCI) kaba dei ia ka bhah jong u bnai Rumphang, Lber ,Iaiong bad ka jingsei na ka bynta jong une u bnai Jymmang ka dang iaid, hynrei ka jingkylli mynta ka long shaei u leit?.
Ki paidbah jong ka jylla Meghalaya kiba don iaka Ration Kad, ki ioh khaw ia ka bhah jong u bnai Kyllalyngkot ha kaba la sam ha u bnai Rymphang jong mynta u snem, bat na duh u tei u bnai haduh mynta ka sorkar kam pat sam ia u khaw rashon sha ki paidbah nong bam wat la kala dep ban sei naki kodam jong ka FCI ha kine ki lai bnai lynter.
Ki lad khubor kiba la ioh na ophis jong ka FCI, la ong ba ka sorkar jylla kala dep ban sei ia u khaw u ba dei iaka bhah jong ka jylla Meghalaya ha kine ki lai bnai lynter, kata ka long na ka bynta jong u bnai Rymphang, Lber, Iaiong bad na ka bynta u bnai Jymmang ka dang iaid ka jingsei khaw ka dang iaid bad ki hap ban pyndep ha kataiew ba ar jong u bnai Jylliew.
Ki lad khubor na poh jong ka FCI, ki ong ba ka kam jong ka FCI ka long ban pynpoi ia u khaw na ki kodam jong ka sorkar pdeng sha ki kodam jong ka kiba don ha kane ka jylla bad ban sam sha ka sorkar jylla, ha dien ba ka sorkar jylla kala dep ban sei ia u khaw na ki kudam jong ka lyngba ki briew kiba la thung da ka sorkar, ka FCI kam don bynta eiei shuh kala dei ka kamram jong ka sorkar jylla ban peit ka buh ia u khaw shaei.
