Shillong, Lber 14: U Mytnri kam poh iing ka jylla u bah Lahkmen Rymbui haba jubab ia ka jingkylli jong u bah Mohendro Rapsang , la ong ba ki jingpynbthei bom ha ka jylla ki don haduh hynniew tylli haduh mynta bad ka jignthoh kit ki don hala ki jong ki jong ki kyrdan.
Haba jubab ia ki jingkylli bynrap la ong ba ka sorkar pdeng kala ai jingbit ban ia kren ia suk bad ka seng lehnoh HNLC bad ka sorkar ka don ka jingkymren ba da kane ka jingiakren ia suk kan wanrah ia ka jingshong suk ha ka jylla.
Haba ia dei bad ka jingpynbthei bom ha Williamnagar ha kaba san ngut ki briew kila khlad kynthup ia u kyrteng MLA, na ka liang jong u Saleng A Sangma bad u Marcuise Marak kila dawa ba dei ban aiti sha ka NIA ban tohkit ia katei ka jingbthei bom.
Ha kawei pat ka jingylli bala wanrah da u bah Mayralborn Syiem haba ia dei bad ki Kolej, u mytri ba dei peit ia ka tnad pule puhti ka jylla la ong ba ha Ri Bhoi kin don noh lai tylli ki Kolej, ka Ri Bhoi College kaba la pynkylla sha ka Community College, ka Union Christian College bad ha Patharkhamah.
Ia kane ka kolej yn peit da ka sorkar, haba ia dei bad ka jngpan ia ka kolej ha Eastern Ri Bhoi la ong ba ka sorkar kala don ia ka thong bad lada ioh na ka skhim ROSA ka sorkar kan a peit ha ba ia dei bad ka jingpan ia ka Kolej ha thian Bhoirymbong.
