Shillong, Nailur 03: U Myntri Khynnah ka sorkar pdeng ba dei peit ia ka tand pynneh pynsah riti dustur ka Ri India u Atjun Ram Meghwal u la ong ba ka jylla Meghalaya kala pynmih ia ki lai ngut ki riew ialehlait luid ban ia khun pyrshah ia ka ki phareng, u Tirot Sing Syiem, u Kiang Nangbah bad u Pa Togan Sangma, bad kiwei ruh.
Ha ka jingkren jong u la batai ba kane ka jingrakhe ia ka jingdap 75 snem ka Ri India ia ka jinglait luid ka long ban pynlong ia ka Ri India kaba bit ba biang na ka lade ha ki jingdon kam baroh bad ka thong ka long ban poi sha kate ia kaba la tip kum ka Azadi Ka Amrit Mahotsav.
Ha ka jingkren ka kong Amapreen Lyngdoh MLA jong ka Shillong East kum ka shah khot kyrpang ha kane ka sngi, kala ong ba kane ka long ka burom ia ka jylla ba ka sorkar pdeng kala ithuh kyrpang ia ki riew ialehlait luid kane ka jylla Meghalaya.
Ha kane ka juh ka sngi ka kong Ampareen kala kyntu ia u myntri ka sorkar pdeng ba lyngba jong u ba un ia kren bad u myntri rangbah duh ka Ri India ban iathuh noh ia ka ktien khasi bad Garo da ka sorkar pdeng.
Ha kane ka sngi la don ki jingrwai iait ri, ki jingshad tynrai na ki samla pule ka Shillong Law College na ki jylla bapher bapher kane ka thain shatei lam mih ngi, ia ka jingkren pdiang burom la kren da u Principal ka Shillong Law College u Dr.Shariff Uddin, la don ruh kiwei ki khraw pyrkhat ban ia sakhi lang ia kane ka sngi.
