New Delhi, Jylliew 24: U myntri khynnah ba dei peit ia ki kam shna iing ha ki jaka sor u Babul Supriyo u la ong ba ka sorkar pdeng kala buh ia ka thong bad ka da kut jingmut ba kan pynioh iing ia kiba duk ha ki jaka sorkar ha u snem 2022, ia kane u la kren ha kaba kren ha ka jingialang jong ka “Human Settlements-Planning and Design “A Shared Understanding” .
U Supriyo u la ong ba kane ka sorkar hapoh ka jingialam jong u prime minister Narendra Modi kala shim ia ka rai ba ki briew kiba duk kiba don ha ki jaka sorkar ki dei ban ioh ia ki jaka sah ha u snem 2022. Ha kane ka jingkren u la batai ia bun ki kam kiba la leh na ka bynta ban pynurlong ia kane ka jingthmu.
U Dr.Nandita Chatterjee, secretary HUPA u la ong ba ka sorkar mynta ka dang pynkhreh ia ki rukom kumno ban pynurlong ia kane ka jingthmu ba kumba ka long 27 % ki briew ki don kam ia ki iing wai ban sah, kiba duk kin nym lah ban ioh iing na ka daw jong ka jingkiew dor jong ka jaka.
U Dr Chatterjeee u la ong ban leh ia kane ym dei ban pynleitjingmut tang ha ki jaka sor hynrei dei ban shna ia ki iing kum ka Pradhan Mantri Awas Yojana ruh yn shah ka ban long sha bar jong ki jaka sorkar bad ka urban mission ka dei shibynta ban pynurlong ia kane ka jingthmu.
Ka jingpynlong ia kane ka jingiamir jingmut ka long ban ia phylliew jingmut bad ban pyni ia ka jingshem phang kumba ka jingshna iing ka long ha ki bynta ba shthi jong ka dewah Asia, ki ri kiba la wan ban ia shim bynta ha kane ka jingialang ki long ka Japan, South Korea, Myanmar, Sri Lanka, Afghanistan, Iran, Iraq bad Fiji, kane kalong katkum ka jingpynlait khubor na ka PIB.
