Shillong, Iaiong 20: Mynta ka sngi u CEM jong ka KHADC u bah Titosstarwell Chyne u la lap ba ka bynta kaba ia tyngkhuh hapdeng ki jaka jong ka Muncipal, ka Kantonment Baord bad ka jaka jong ka Hima Mylliem ha Iew Mawlong ka long kaba jaboh bad ki pipe ym ruh kila don ha katei ka jaka kaba la wanrah ia ka jingjaboh katei ka jaka.
Haba kren ha ki lat pathai khubor u CEM jong ka KHADC la ong ba na ka liang jong ka KHADC kan phah da ka jingthoh sha ka PWD jong ka sorkar banpynbha ia katei ka jaka namar ba ka surok ka hap hapoh ka jingpeit jong ka tnad shna surok ka PWD jong ka sorkar jylla.
Haba ia dei bad ki pipe um la ong ba naduh ka por ba dang don ka khlam COVID-19 kala don ka jingiajurip lang ha pdeng ka Hima Mylliem, ka sorkar bad ka KHADC, bad na ka liang jong ka Phe kala ong ba kala don ka skhim ban ban shna ia ki, ia kane kin sa thon biang sha ka sorkar.
Katei ka jaka ka long shisha kaba I sait met namar ka jingjaboh bad ka jingktih ia katei ka jaka ka long baroh shisnem shisnem namar ba ka jinglait ka um na ki pipe um wat la ka don ka nala ha ktei ka jaka hynrei namar la dap ki pipe ka um ka nala kala sah kit bad ka um kala tuid sha Surok.
