Shillong, Lber 16: “Ka dangbha ba ngin duh la ka jingim, ban iaka ba duh iaka khyndew jong ka jaidbynriew” la ong u presisent ka seng HANM u bah Lamphrang Kharbani ha ka por ba pynskhem ia ki dkhot ka seng hapoh jong ka shnat narpuh ha ka sngi ba ar ha ka jingialang kaba la long ha iing dorbar ha Umstain Elaka sutnga East jaintia Hills District.
Haba kren ha kane ka jingialang pynsmai ia ki nongkit ka seng hapoh katei ka jaka, u bah Lamphrang president rangbah ka seng la ong ba ia ka seng HANM la seng halor ka nongrim ban dawa na ka sorkar ban pynbeit ia u pud u snem,ban pynneh pynsah ia ka khyndew ka shyiap, ban pyntrei kam ia ka ILP bad ban weng ia ka ain yajakor kaba long ain mynta ka CAA.
U tei u president rangah ka seng HANM la ong ba wat lada ki samla ka ri kin hap ban aiti iala ka jong ka snam kampher kum shibynta ban ym duh iaka khyndew ka shyiap jong ka jaidbynriew Hynniew trep bad ka jylla baroh kawei la pynshai u president ha katei ka jingialang.
Ha katei ka jingialang la don lang ruh u rangbah shnong, Secretary shnong, ha katei ka sngi la pynskhem ia ka shnat ki kynthei jogn ka seng HANM, na ka liang jong u rangbah shnong u la ai ka jingkyrkhu kyndoh, la ioh ia ka jingkren na u nongpyiar seng u bah R. jyrwa. u president ka seng na ka shnat Narpuh kila ai jingkren ha kane ka jingialang.
