Mawphlang, Jylliew 29: ka jingkylli mynta ka long mano ba long trai ia ka Khasi Heritage Village ha Mawphlang, Hato dei ka Khasi Hills Autonomous District Council ne mano?
Kumba ka long mynta ka KHADC ka lum bai rung shiphew tyngka na u wei pa u wei u briew ba rung ha katei ka shong khasi kaba la shna da ka District Council, ha ka jingsngi kiba leit ban rung ha kane ka jaka kin nym duna ia ka shipsah ngut ki briew kiba na jan bad na jngai.
Bun na ki nong jngohkai pyrthei kiba leit sha kane ka jaka ban peit ia ka rukom shna iing ki khasi ha ki hima bapher bapher kila kyndit ban iohi ia ka jingjot rathai jong ki iing ki snem kiba don ha katei ka jaka, bad ka jingkylli kaba mih ka long mano ba long trai ia kane ka jaka namar um don kano kano ka jingpybha ia ki iing ki sem kiba jop ba pei.
Kumba ka long mynta ka long ka jinglehrain ia ki briew kiba poi ha katei ka jaka ban iohi ba kam shym don kano kano ka jingsumar ia ki iing ki sem kiba la shna kyrpang katkum ki iing tynrai u khasi hyndai.
Ka KHADC kala tei ia kane ka Khasi Heritage Village, Mawphlang, da ka jingbei pisa na ka sorkar pdeng ban pynneh pynsah ia ki riti ki dustur jong u Khasi ha kane ka jaka ba ki briew kiba wan na sha bar haba ki iohi ia kane kin tip ba pleng ka rukom shna iing ki khasi ha kip or hyndai ka long ha kane ka rukom.
Ki executive committee kiba rim kila shim khai ban tei ia kane ka shnong khasi ha katei ka jaka ban pyni sha ka pyrthei ia ki riti ki dustur jong u khasi kiba hap hapoh jong ki 54 tylli ki hima. Ki iing kiba la dep ban shna ha katei ka jaka ka long tang ia ki 10 tylli ki hima bad kiba bun kiwei ki dang sah, kaba sngewsih ka long ba ynda kylla ka EC ha KHADC ha ka jaka ban ia pyndep ia ka ba dang sah teng kala kylla issued politic kane ka shnong Khasi ha Mawphlang.
Ka KHADC kala thung saw ngut ki briew ha kane ka jaka kum ki nongtrei sngi ba peit lem ia kane ka jaka hynrei na ka liang jong ka KHADC pat kam shym la sumar ia kine ki iing ki sem kiba don ha kane ka jaka bun na ki iing jong ki hima kiba la don ha katei ka jaka ki la jop la pra. Kane ka jaka ka la long ka jingleh rain ha khmat ki nongjngohkai pyrthei.(SP News)
