Shillong, Risaw 06: Kan don ka jingiakynduh lang ba shisien shishem jong ki khynnah skul ba rim jong ka Christ King Secondary School Riangdo, West Khasi Hills, kan long la sngi nyngkong 10.10.2016 la khot ia baroh ki khynnah skul ba rimb a kin ia poi lang ha katei ka sngi.
Ia ka Christ King Secondary School Riangdo la seng ha u snem 1972 ba u phadar Albiguri bam kwai ha dwar u blei u ba dei na ka jingiasylok niam Salesian. Kane ka skul kala noh syniang shibun bah ia ka thain khamtam ia kiba duk ba rangli.
Ki samla pule na kane ka skul mynta kila don ha ki kam bapher bapher, ha ka kam sorkar, ka sain pyrthei bad kum juh ki don ruh kiba la trei sha bar jong ka Ri bad ka jinghikai kaba la ai ha kane ka skul kaba kongsan ka long ha ka burom ha ka long briew man briew. Kane ka long katkum ka kyrwoh kaba la phah da u Bah F Dakhar.
