Shillong, Naiwieng 13: Ka rai jong ka sorkar u Narendra Modi ban weng noh ia ki lut san spah ba rim bad ia ka lut shihajar , kala ktah ia ka pla pisa jong ka seng lehnoh GNLA, ha kaba lai ngut ki dkhot jong ka seng kila wan ban pyndem ha khmat jong ki pulit ha Williamnagar mynta ka sngi.
Ki dkhot ka GNLA kiba la wan ban pyndem hakhmat jong ki pulit mynta ka sngi ki long u Salman M Sangma, 23 snem, u Polning M Sangma, 23 snem kine baroh ar ngut ki dei na ka juh ka shnong Nengmandalgre bad u Andresh T Sangma naka shnong Nengsang baroh ki dei na East Garo Hills District.
U Salman M Sangma bad u Poling M Sangma kila rung ha kane ka seng ha u snem 2011, bad na ka liang jong ki pulit kila thwet bha ia kine ki nongialam jong kane ka seng namar ki suba u Samlan u dei u Area Commander jong ka GNLA katba u Sndresh u dei u ba dang rung sha kane ka seng GNLA ha u snem 2014.
U Salman u la an pyndem ryngkat ka 1 AK-47 lai tylli ki magazine bad 120 tylli ki kli, mynnin ka sngi u Norrok u la die ia ki tiar ialeh sha u Sohan lyngba jong u Niampa ha kaba la ioh ban kem da ki pulit jong ka Williamnagar.
Katba ka kynhun jong u Norrok ki la jah ryngai, bad kito ki long u Krejing Marak, Dipendro Momin bad u Lakmen Sangma kine baroh lai ngut kila wan pyndem pat mynta ka sngi ha khmat jong ki pulit ryngkat ka pisa shilak shiteng. Kine baroh lain gut ki dei ki dkhot jong ka UALA kiba la dei ia ki tiar siat sha ka GNLA.
Na ka jingphla jong ki dkhot ka UALA kiba la shah kem, ki pulit kila leit ban kyndang ia ka iing jong u Bah Donbok Lyngdoh ha kaba la ioh kurup lai tyngka ka pisa bad la kem ia u bad ka jingtohkit ka dang iaid.
