Shillong, Lber 25: Ka KSU Mawkyrwat Circle bad South West Khasi Hills District bad ka Seng Samla Shnong Nonglang haka haka sngi u blei hadien ka jingpynapshrip halor ka jingkynrei jong u drok hapoh ka Thain ka la ioh ban bat biang iaki 6 Ngut ki nongdie drok bad nongdih drok ba snar jongka South West Khasi Hills District.
Ha kaba nyngkong, ka seng ka la ioh ban bat iaki ar ngut kiba kyrni dih drok kata ia u Fairly Donald Sangma bad ia u Michael James Lyngdoh ha kaba ki la iathuh ba ki ioh ia u drok na uwei u nongkhaii ba kyrteng u Stevenson Tongwah na shnong Nonglang.
Naka liang jongka seng hadien ba ka la ioh jingtip ba thikna ngi la pyntip haki bor pulit bad bor District ha ka por 6:30 janmiet na bynta ban pynap shrip ha Nonglang ia u Nongkhaii hynrei kaba lyngngoh pat ka long ba ka shim por haduh 4 kynta iaki pulit ban wan poi na Mawkyrwat sha Nonglang kaba dei ka jaka ba jngai tang kumba 2/3 kms eiei na District Headquarter.
Haka jingshisha ki bor pulit ki la lap iaki drok naka ingsah jong u Stevenson Tongwah ha Nonglang hynrei kim pat tip Kaei kaba ki bor ka ain ki la leh halor kine kiei kiei. Ka seng ka la ioh ban bat bad aiti ruh shaki pulit sa ia u Michael Nongsiej, ia u Hiswillbedone Tongwah bad ia u Ricky Paul Snaitang ba kin pynshitom ia kine katba kum ki kyndon ain.
Ka seng ka pynrem jur halor ka jingsuki ki bor district bad bor pulit ban leheiei halor u drok wat lada la pyntip haka por ba biang. Kane ka pyni ba ka Don ka jingkhein sting naka liang ki bor ka ain bad lada kan long kumne ka pynshngain ar Shah ia ki nongdie bad khaii drok hapoh ka Thain ha kaba kum ka seng ngi sngewdei ban pynrem jur halor kane ka bynta.
Ka Seng ka ai Khublei kyrpang iaki dkhot jong ki Seng Samla Shnong Nonglang, Seng Samla Shnong Mawkyrwat bad ki nongialam shnong jongka shnong Nonglang kiba la shimkhia halor kane ka mat. Ngi kyntu ruh iaki Seng Longkmie, VDP, Seng Samla Shnong bad ki sengbhalang bapher bapher ban iamih paitbah nangne shakhmat khnang ba yn lah ban rat dyngkhong iaki jingsniew hapoh ka thain.Kane ka long ka kyrwoh na u samla Rutherford Lyngdoh, General Secretary KSU Mawkyrwat Circle.
