Shillong, Naitung 03: Kajinglehniam IdUl- Fiter kanlong ha ka 6 tarik mynta u bnai, na ka liang jong ki BSF kiba don ha khappud bad ka Bangladesh kila dang pynjur ia ka jingpyrkhing ha khappud na ka daw jong ka jingjur palat jong ka jingshallan tuh ia ki Masi na kane ka jylla Meghalaya.
Mynta ka sngi katba ki shipai BSF ki dang iaid pahara ha khappud bad ka Bangladesh ha ki bynta jong ka Lyngkhat hapoh jong ka East Khasi Hills District kila iohi ia ki briew kiba iaid sharum shaneng bad ha kane ka jingiaid jong ki ki BSF kila lap ba don 13 tylli ki masi bad ki la kem ia ki mar dor.
Ha kine ki ar sngi kiba la leit na ka liang jong ki BSF kila ioh ban kem haduh 54 tylli ki masi na ki bynta bapher bapher jong kane ka jylla, na ka liang jong ki BSF ki kam ba kane ka jingjyllei kane ka jingshallan ia ki masi sha Bangladesh ka long ba kala jan ka jinglehniam IdUl- Fiter ha ka thi ka ri.
