Tura Naiwieng 15: Ki paidbah nongshong shnong jong ka shnong Chibonga jong ka North Garo Hills District ha kaba por ba ki nonglute kila wan shapoh shnong ban lute kila ia mih paidbah bad beh kthong ia ki bad kila ioh ban kem lai ngut bad ar ngut ki wei pat kila ioh ban phet krad.
Ha kane ka jingbeh jong ka shnong la ioh ban kem nyngong ia u Junal Momin ba la 22 snem ka rta ha kaba kila ioh ban bom ban tied ia u, ha dien kane kila ioh ban kem shuh shuh ia u Laban T Sangma bad ia u Changtial P Momin bad la aiti ia ki sha ki bor pulit.
Ha ka sngi kaba but ki pulit kila ioh ban kem ia u Praiting D Sangma bad u wei pat u ba dang khat hynriew snem ka rta u la leit ban aiti hi ha khmat jong ki pulit . Baroh kiba la leit ban lute ia kane ka shnong ki don san ngut.
Ha kawei pat ka jingjia ka Grelista A Sangma jong ka shnong Kalikapara kaba don ha jan Dudhnoi police station jong ka jylla Assam kala leit ban ujor hapoh jong ka Shallang Poilice station jong ka West KHasi Hills District ba u khun jong ka u Sengsal A Sangma 36 snem bad ki paralok jong u , u Anand Ch Momin 28 snem bad u Martin R Sangma 37 snem kila jah na iing naduh ka 13 tarik jong u Nailar haduh kine ki sngi kim shym la wan phai shuh.
