Shillong, Risaw 08: Ki pulit kila kem ar ngut ki briew kiba la shah kynnoh ba kila leh beijot, ha ki ar tylli ki jingjia, kawei ka jingjia kala ha ka shnong Nongwar bad kawei kala jia Upper Shillong.
Kawei ka long kmie kala ai ia ka jingujor sha ki pulit jong ka Sohra ba u wei u briew u ba la tip kyrteng kum u Batpateng Nadon ba la 24 snem ka rta u la leh beijot ia kawei ka khynnah rit kaba dang 13 snem ka rta.Halor kane ka jingujor na ka liang jong ki pulit kila kem ia u tei u bala shah kynnoh.
Ha kawei pat ka jingjia u Balajied Syiem u la shoh la dat ia kawei ka khynnah samla kaba dang 19 snem ka rta bad ynda u la dep ban shoh ban dat u sa leh ia kane ka kam leh beijot, kane kala jia ha Upper Shillong. Kane ka khynnah kala mynsaw bad mynta ka don hapdeng ka jingsumar ha Hospital ong ka khubor pulit.
