Shillong, Lber 19: Ki pulit jong ka jylla mynta ka sngi kila ioh ban kem ia Namphyrnai Lyngdoh Peinlang 21 snem ka rta ba dei na ka shnong Peinlang halor ka jingshah kynnoh ba u don kti lang ha ka jingpynbethei bom ha Panjabi Lane ha Themmawlong.
Da ka jingiatreilang ki pulit jong ka East Khasi Hills District, Ri Bhoi District bad jong ka Eastern West Khasi Hills District kila ioh ban kem ia u bah Namphyrnai na Mairang bad ia u mynta la wan rah sha Shillong ban tohkit.
Na ka liang jong ki pulit kila pynlong ia ka jingtohkit ban lap shuh shuh ia kib don kti, na duh kiba saindur ia ka jingpynbethei bom, kiba bei tyngka ne kino kino kiba don kti ban ia sylla ha katei ka jingjia khlem da map iano iano ruh kat kiba don kti.
Lah ban pynkymmaw ki pulit haduh mynta kila kem hynniew ngut kiba la shah kynnoh ia kiba don kti ha katei ka jingpynbethei bam kaba la jia ha Themmawlong ha ka 9/3/2024 kaba la wan rah ia ka jingsyier.
