Shillong, Iaiong 28: Ki Pulit jong ka East Khasi Hills District mynta ka sngi kila ioh ban kem ia u wei u nongkhaii drok ha dien ba kila bud dien bad na u la ioh ban kurup ia u drok ba shongdor T.64 lak tyngka.
Ki Pulit kila ioh ban kurup ruh ia ka bike kaba la pyndon kam da u briew bala shah kem, kaba don ia u number ML-05-R-3682, drok baroh bala ioh ban kurup don shiphew song bad la ioh kawei ka mobile.
Ki pulit jong ka jylla kila kut jingmut ban ia khun pyrshah ia kine ki nongkhaii drok bad ka jingpynrshang ka long ban dkhat ia ka jingpynpoi ia kine ki jingdih ba sniew sha ka jylla da kaba thew ia ki nongwanrah.
Na ka liang jong ki pulit ki kyntu ia ki paidbah ban ia trei lang bad ki bor jong ka ain ban ia khun pyrshah ia kine ki jingdih buaid kaba ktah ia ka imlang shah lang khamtam ia ki samla kiba dang khi dang san.
