Shillong, Risaw 06: Ki shipai BSF kiba ai ka jingiada ia u pud u sam hapdeng ka India bad ka Bangladesh kila ioh ban kem ia u wei na ki nongkhai drugs na Borsora ha kaba kila ioh ban kurup haduh 1300 song ki dawai kuli ia kaba la tip kum ki R-7 tablets (Synthetic Medicine) bad ka dor jong kine ki dawai kala kot sha ka T.1,30,000/-.
Ki shipai BSF haba kila iohi ia u riew phylla u bym dei na kane ka jylla kila kerkut ia ka jaka bad kila tur hajan jong u Rwamaru Boro bad haba kila kem bad tohkit ia u la lap ba dei na ka jylla Assam bad na ka met jong u la lap ia kitei ki dawai pynbuiad.
Ha kane ka jingshah kem haki BSF, u la phla ba u la thied ia kine ki dawai na u briew ba la tip kyrteng kum u Happu ban a Manipur bad na u Dru u ba shong ba sah ha Nongjri uba dei na South West KHasi Hills District.
