Shillong, Naitung 11: Namar ba la jur palat ka jingshah tuh tiar jong ki briew hapoh Laitumkhrah na ka liangjong ki pulit kila wadbniah ia ka daw jong kane ka jingshah tuh jong ki briew bad ha dien ba kila budien bha kila kem ia u Ricky Swer u ba la 29 snem ka rta.
Ha dien ba la kem ia u u la phla ba u la leh ia ki kam tuh bad u la ialam ruh ia ki pulit sha ki iing jong kito kiba thied ia kitiar kiba u la tuh, na kine ki iing ki pulit kila ioh biang ia kine ki tiar kiba la shah tuh bad ki pulit kila kem lang ruh ia ki nongthied.
Ki tiar kiba la ioh biang, ki long lai tylli ki LCD, Tv, san tylli ki laptop, kawei ka jaket snieh bad kawei ka mobile. Naka liang jong ki pulit kila kyntu ia ki paidbah ban nym thied klumar ia ki tiar tador ba ioh dei ki martuh.
