Tura, Naitung 13: ka Garo Students’ Union (GSU jong ka Southern Zone kala leit ban khan gar sngi lynter ia ka ophis jong ka PWD, Baghmara PWD Division kaba don ha Baghmara ban pyrshah ia ka jingsniew palat jong ka surok ha katei ka South Garo Hills District.
Ha ka kyrwoh kaba la phah da u Chuba R Marak president jong ka GSU na South Garo Hills u la ong ba ka PWD bad ki bor jong ka District Administration kim shym la burom ia ka jingkular ka jong ki kaba ki la kular na ka por sha ka por ban maramot ia ki surok wat hapoh sor Baghmara.
Ban pynpaw ia ka jingpyrshah ka jong ki ia ka jingbym leh ei ei ka sorkar ban pynbha ia ki surok na ka liang jong ka seng kala leit ban pakhang ia ka ophis jong ka PWD kaba don ha Baghmara ha ka 12 tarik bad mynta ka sngi ka 13 tarik.
Wat hapdeng kane ka jingleh jong ka GSU, na ka liang jong ka sorkar kala leh kuman ha kaba kam shym la kren ei ei kala sngap jar jar. Namar ka jingbym leh ei ei jong ka sorkar na ka liang jong ka seng shen kan sa dang ia shong pyrkhat ban shim sada kiwei pat ki lad jingiakhih ban pynbor ia ka sorkar ba ka dei ban pynbha noh ia ki surok. Na ka liang jong ka seng ka pynrem jur ia kane ka sorkar.
