Shillong, Naitung 18: Ka jingialang kaba la buh da ka KHADC kaban long mynta ka sngi ha iing dorbar jong u Syiem jong ka hima mylliem kala pulom namar ba khlem poi na ki bor ba dei peit ia ka KHADC ban ia kren halor ki kam lum jingtep ha khlaw Mawpat.
U myntri J Nongkhlaw haba kren ha ki nongthoh khubor la ing ba ia kane ka jingialang ha ka jingshisha la dei ban pynlong ha ka 15 tarik mynta u bnai hynrei la pynsangeh na ka daw ba ki briew jong ka KHADC kim lait bad la buh ban long mynta ka sngi hynrei kila ia ap naduh ka por 12 baje mynngi haduh ka por lai shiteng noh phai sngi ruh ym shym don ba poi na ka liang jong ka KHADC.
Ha kane ka sngi namar ka jingthmu jong ka jingialang kam shym la poi kum mut na ka liang jong ka hima kala ia kren ruh ia ka kamha Iewduh namar ba kala jaboh palat, u Myntri Nongkhlaw u la ong ka jingjaboh ka dei na ka jingle jong ki nongshong iew khamtam ha dien jong ka Rani Motor kaba die lang ia ki jhur.
Ia kane ka jaka la juh pynkhuid ar sien shi sngi hynrei yn lah ban leh ei ei namar kine ki nongshong iew ki theh ia ki jaboh ha ka juh ka jaka. Na ka liang jong ka hima I mat kan buh noh da u nongap ban hikai ia kine ki nongshong iew ba ki dei ban bret ia ki jhur ki bym lah ban die ne kiba la sah sha ka jaka ba la buh.
Haba ia dei bad ka khlaw ha Mawpat, la ong ba kin ap ia ka kaiphot jong ka kynhun tohkit namar kin ia kren ia kane ka kam pat ka tei ka jngtohkit ka dang iaid.
