Shillong, Nialar 29: Ka Joint Action Committee (JAC) jong ki kali kamai baroh ha kane ka jylla Meghalaya, kila shim ia ka rai ba kin ia shim bynta lang ha ka jingiaid paidbah kban long ha ka 2 tarik jong u Nailur ha kane ka nongbah Shillong ia kaba la khot da ka All India Trade Union (AITU) ha kylleng jong ka Ri.
Ka rai jong ka JAC ban ia shim bynta ha kane ka jingiaid paidbah ka long ban pyrshah ia ka jingbymleh ei ei jong ka sorkar ha kaba a dei bad ka jingkiew dor palat ka bai Insurance jong ki kali kamai. Dei na kane ka daw b aka East Khasi Hills Local Taxi Welfare Association (EKHLTWA), ha ka 11 tarik jong mynta u bnai kala pynlong ia ka jingdeng lama iong.
Kane ka jingiaid paidbah ha katei ka sngi kan sdang na Khyndai Lad ha ka por 11 baje mynstep bad ka jingiaid kan long sawdong ia ka secretariat bad yn pynkut biang ha ka juh ka jaka bas dang. U Bah Wandonbok Jyrwa general secretary EKHLTWA , u la ong ba kila shim ia kane ka rai ban kyrshan ia kane ka jingiaid paidbah ba la khot da ka AITU ka long ha dien ka jingiamir jingmut bad baroh ki seng ba buh kali kamai.
Ka seng ka dawa na ka sorkar pdeng bad ka sorkar jylla ba dei ban pynduna ia kane ka khajan kali bad ia ka insurance da 25 percent.ki ban ia shim bynta ha katei ka sngi kin long kiba trei kum ki, ASHA , Master roll, Anganwadi bad kiwei ban pyrshah ia ka jingsniew rit palat jong ka sorkar ia kabai nongtrei jong ki.
