Jowai, Jylliew 14: Watla ka jingkhrong pisa naki trok ba iaid lyngba u Surok NH 44 ka la kynjah jar ha kine ki khyndiat sngi ba la lah ruh , hynrei mynta kane ka jingkhrong Pisa jubor kala sdang mih pyrthei biang da ki briew kiba riam paidbah ha khmat jong ka Umkiang police outpost , la kynnoh ba kine ki dei ki briew jong ki pulit kiba don ha katei ka jaka kaba hap hapoh jong ka East Jaintia Hills District.
Ki Paidbah nongleit nongwan lyngba ka tei ka Surok ki la kynnoh ba Kane ka jingkhrong ka lah ban dei ba la phah da ki pulit, hynrei kumno kine ki briew kin nud ban khrong ha khmat jong ki pulit, ki paidbah ki kynnoh ba dei ki pulit kiba leh ia kane ka kam mynta la katto katne taiew.
Mynta ka sngi la ong ba katto katne ki riewpaidbah kiba iaid lyngba kane ka surok kila sakhi ia kane ka jingkhrong pisa bad kila la ioh ruh ban shondur ha kaba la phah sha ki lad pathai khubor iaki nongkhrong Pisa jubor naki trok haka thanad jong ka Umkiang Police Outpost. La iathuh ki paidbah na katei ka thain.
Ki draibar trok ki la kynnoh ba kine ki briew ki shim 100 tyngka kawei kawei ka trok kaba don 6 Shaka, bad 200 haduh 300 tyngka iaki ba don 10 Shaka shaneng. Na ka liang jong ki draibar ki la ong ba kim banse ban siew sha ki briew kiba pan pisa lada kim ai ruh ki shah pyndik da kaba khot ia ki sha thanad.
Lah ban pynkynmaw naka Liang u IGP Law and Order u GHP Raju ula dep maham ruh lyngba ki lad pathai khubor ba lada lap ba don kiba bteng ban khrong Pisa jubor naki trok kin ngat haka jingpynsaja kaba tyngeh.