Shillong, Lber 16: U Myntri Rangbah ka jylla u Conrad K Sangma haba jubab ia ka jingkylli jong u bah Mayralborn Syiem la ong khnang ba ka jylla kan ioh ban lum khajna da kaba tih dewiong katkum ka juk stad mynta katkum ka rai jong iing bishar ba ha khliehduh ha ka 3rd Naitung 2019 kala shah ban tih dewiong da kaba but ia ka MMDR Act 1957 bad katkum ka bynta kaba san jong ka Minerals Concession Rules, 1960.
Halor kitei ki kyndon ka sorkar kala shna ia ki kyndon ban ai laisen ban th dewiong katkum ka juk stad kba mynta ha ka jylla bad ia ki kyndon la pynmih ha ka 5th Lber 2021 ryngkat k jingthoh na ka ophis ban bthah kumno ban apply na ka Directorate Minerals Resources ba kin lah ban ioh laisen katkum ka kyndon kaba nyngkong jong ka bynta kaba saw jong ka MMDR Act 1957.
U Mytri rangbah ka jylla u la iathuh hapoh ka iing dorbar ba kila don 17 tylli ki aplikoshon kiba la apply ban ioh laisen ban thih dewiong ha kajylla kiba la ioh ia ka jingmynjur jong ka sorkar pdeng ba kin jurip ia ka jingdon u dewiong bad shuwa ba kin ioh ia ka Laisen ban tih dewiong.
Haba jubab ia ki jingkylli bynrap u myntri rangbah ka jylla la ong ba katkum ki kyndon kiba la buh ia mynta kiba lah ban apply ban ioh ia ka Laisen tihdewiong ka jingheh jong ka jaka kam dei ban duna ia ka 100 hektare kaba ka sorkar ka lah ban ai ia ka syrnot ba ia dei bad kam khlaw lada ka jingeh ka par dewiong ka long hapoh ka 150 hektar bad lada palat ia ka 150 hektar hap ban ai ka sorkar pdeng.
Haba ia dei bad ka jingkylli katno ka sorkar kan ioh lum khajna u myntri rangbah ka jylla la ong ba yn nym lah ban ong katno, hynrei kaei kaba ka sorkar ka buh dor ia mynta ka long ka Khajana ka dei T.675/- shitom, ka Cess T.300/- na ka bynta ka DMF 3% na ka dor jong ka Khajna bad ka NMF 2% na ka dor jong ka khajna.
