Shillong, Naiwieng 30: Ka Shillong Press Club ryngkat ka tand pathai khubor jong ka sorkar jylla Mynta ka sngi kala rakhe ia ka National press day kaba sanphew jong ka Ri India, ha ka jingiadon lang ka myntri jong ka sorkar jylla ka Dr Ampareen Lyngdoh.
Ha ka jingkren jong ka kong Dr Ampareen kum ka kongsan ha kane ka sngi kala ong ba, ki lad pathai khubor ha kane ka juk kaba mynta ki don ia ka bynta kaba khraw ban sain dur ia ka imlang sahlang da kaba ai ia ki khubor kiba dei sha ki paidbah.
Na ka liang jong ka myntri kala pynpaw ia ka jingsngewkhia ka jong ka halor ka jingkiew ki kam thombor ia ki riew kynthei ha kane ka jylla Meghalaya kaba niew burom ia ki riew kynthei. Ha ka juh ka por, kala ai ka jingiaroh ruh ia ki kam kiba ki lad pathai khubor kila leh ha kine ki snem bad mynta kila don ruh ki digital media kiba la pynsuk ia ki paidbah ban ioh ia ki jingtip.
Ha kane ka sngi kala don ruh ka jingiamir jingmut halor ka phang “ Ka jingshah banbein ki kynthei, kynnah bad ki jingeh kiba mih” halor kane ka phang kiba la ai jingkren ki long u Bah M Kharkrang SP jong ka East Khasi Hills ha kaba ia dei bad ki pulit, ka kong M Kharkongor , Chairperson, State Commission for Protection of Child Rights bad ka Rubina Subba, Standing Counsel, Meghalaya State Commission for Women.
Ia kane ka jingiamir jingmut la pyniaid da u Bidhayak Das u wei na ki nongthoh khubor kiba la rangbah, ha kaba la lang ka Director jong ka DIPR ka kong N M Nampui bad ki nongthoh khubor jong kane ka jylla Meghalaya kiba la ai don lang kiba la ia shim bynta ha kane ka jingrakhe ia kane ka sngi National Press Day. Ha kane ka sngi la sam ruh ia ki khusnam sha ki nongjop jong ka jingialeh kai Karom Board kaba la pynlong da ka SPC.
