Ki nonghikai college ha Meghalaya, ryngkat ki nonghikai ha ka ri ki pynlong ia ka ‘Demand Day’

Shillong, Iaiong 19: Ki nonghikai College ha ka jylla Meghalaya mynta ka sngi, ryngkat bad ki nonghikai ha ka ri baroh kawei mynta ka sngi kila pynlong ia ka jingiakhih jong ki ia kaba la tip kum ka ‘Demand Day’. Kane ka jingiakhih ka jong ki ka long ban pynbor ia ka sorkar pdeng ba ka dei ban pynmih paidbah ia ka kaiphot  7^th UGC Par Review Committee bad ia ka National Education Policy.

Ban ia snoh kti lang bad ki nonghikai ha ka ri baroh kawei ia kaba la khot ia kane ka jingiakhih da ka  All India Federation of University and College Teachers’ Organisations (AIFUCTO)  ban ia khih ha ka ri baroh kawei halor ka jingleh bym suidniew jong ka sorkar ia ki nonghikai ha ka Ri.

Haba ia dei bad kane na ka liang jong u  President  ka Meghalaya College Teachers’ Association ,(MCTA) ka Dr.(Ms.) B.H.Buam kala pynpaw ia ka jingsngew diaw ka jong ki ia ka jinghalor kane ka jingshah leh bein jong ki nonghikai bad ha ka juh ka por ki dawa ba ia ka pule puthi ha ka ri dei ban ai ka jingiada katkum ka riti synshar paidbah.

Ki nonghikai hapoh ka lama jong ka MCTA mynta ka sngi kila pynlong ia ka jingdeng lama iong ha la ki jong ki jong ki college ka jong ki ban pynpaw pyrshah ia kane ka jingleh bym suid niew jong ka sorkar ia ka jingdawa jong ki nonghikai kaba kynthup ka jingmang pisa kaba kham biang ha ka jingpule ban wade bniah bad ban thung ia ki nonghikai ha ki jala ba thylli baroh.