Shillong, Nailur 05: Ka seng The United Legend Bikers Association (TULBA) mynta ka sngi kila pynlong ia ka jingrakhe ia ka sngi burom jong ki nonghikai da kaba leit ban sam ia ki memento sha kiba bun ki skul ha kane ka nongbah Shillong.
U Bah Seiborlang L Nonglait president jong ka seng, haba kren sha ki khynnah skul u la ong ba, ki nonghikai ki dei kiba shim ha ka jaka jong ki kmie ki kpa namar bun ka por jong ki ki don bad ki nonghikai, u la kyntu ba ki dei ban burom ia ki.
Kiwei pat ki lad khubor la ioh jingtip ba bun na ki skul, na ka liang jong ki khynnah skul kiba la pynlong ia ki jingialeh kai da kaba rwai bad shad ban pyndon burom ia ki nonghikai ha kum kane ka sngi. Na ka liang jong ka sorkar ruh kala pynlong ia ki jingialang ban ai burom ia ki ha kane ka sngi.
Ha South West Garo Hills la pynlong ia ka jingleh burom ia ki nonghikai ha kaba la pynlong ha Ampati, ha kane ka nongbah Shillong la pynlong ha State Central Library bad kum kane ka jingrakhe ka la long ruh ha baroh ki District ha kane ka jylla Meghalaya.
