Tura, Jylliew 18: U Arvind Kumar Branch Manager jong ka SBI ha Amapti haba kren ha ki nongthoh khubor ha Tura, ha dien ba ki pulit kila ioh ban pynlait ia u, u la iathuh ba kine ki lehnoh kila phone sha iing jong u ha Bihar bad kila dawa ba dei ban siew T.50 lak tyngka kumba ka bai kliar wat ban pynlait ia u.
“ Nga la ong ia kiba ha iing ba kim dei ban siew ia kane ka pisa, nga la ong ia ki bun sien ba lada ki kwah ban siat ia nga siat noh kampher, nga don ka jingshaniah ha u blei”
Kine ki lehnoh kiba la rahbor ia nga kila pyniaid kjat da ki phew kilo metter na kawei ka shong sha kawei pat ha kine ki ar sngi bad kawei na ki shnong kiba u la ihtuh namar ka dei hapoh jong ka Ampati.
Ha ka sngi kaba nyngkong kaba ki rah bor kila rah sha ka wei ka shnong kaba don ha jan Rangsakona, kine ki lehnoh kila tyrwa ia u ka bam ka dih hynrei um treh bad dei ha ka sngi ba bud u sa bam da ka ja bad u dai.
Mynta ka sngi ha kaba ki pulit kila wan poi ha ka shnong Antekagre nga la pyrshang ban ieng hynrei kila phah rieh jubor hapoh ki sanium jong ka jaka repram.
Haba ki pulit kila poi sha jan ki lehnoh kila siat ia ki pulit bad ha ka jingiasiat kaba nyngkong kala neh kumba ar minute ei ei, dei ha kane ka por ba ki lehnoh kila ieh ia u bad u la ioh ka lad ban phet na ka kti jong ki hapdeng jong ka khlaw.
Ha ka por ba ki ia sait u la thiah ha madan bad ha ka por ba ki sangeh u la ieng bad pyrta ban ong ba “ Nga dei u branch Manager” ha dien ba ki pulit kila ioh ban pynlait ia u ka jingiasiat kala bteng biang bad ha la neh kumba 15 minute ei ei.
U Kumar u la ong ba u dap da ka jingsngewnguh ia ki pulit kiba la trei shitom ban pynlait ia u. U la ong ba um shont thiat ar sngi un sa shim shuti ban leit sha iing ha Bihar. U la ong ba u la tieng mynta ban trei ha Garo Hills ha dien ka jingjia ia u u la pynkut ia ka jingiakren bad ki nongthoh khubor.(SP News)
