Shillong, Nailar 22: Ki nong ialam jong ka Hil
l Farmer Union mynta ka sngi kila leit jurip iaka iew die lang jong ki mar rep ha iew duh halor ka jing ujor jong ki nongrep baka don ka jingot kilo be-ain daki nong thied.
Ki nong rep ki ba die iaki jhur haba ia kynduh bad ki nongialam ka seng HFU ban lap ia ka jingshisha ia ka jingot kilo khlem nongrim bad ka ne kala wanrah ka jing duh nong ia ki nongrep.
Ki nong ialam jong ka HFU kila kyntu ia ki nong thied ba kim dei bakin ot kilo khlem nongrim ia ki mar rep hynrei ki nong thied kila pynmih ia ki daw ba ki nong rep ruh kim ju ong ei ei haba ot kilo kila ong ruh ba ki don ki mar kiba pyut bad don ruh kiba pynkhia iaki shang thep jhur.
Naka liang jong ki nong rep kila pynpaw iaki jing sngew bynniaw halor ki jing ot kilo bad kila ong ruh ba nang ne shakhmat kin ia tylli noh bad kila pynpaw iaka jing ai khuble bad ioh mynsiem halor ka jing wan jurip jong ki member jong ka HFU.
Haba iakren bad u bah Commandar Shangpliang President jong ka Hill Farmer Union U la iathuh ba wat la ka Seng kala mana halor kane ka jing ot be-ain iaki mar rep hynrei ym pat lah ban pynbeit halor kane ka kam namar ki nong thied ki la ieng ban pyni iala ki jong kidaw.
U la ong ruh baka seng kan ymshong thait ban pynbeit iaka ne ka jing eh kaba ki nongrep ki ia kynduh kumta ka seng kan sa leit mih ban ia kren bad ki bor sorkar naka bynta ban lum jingialang iaki nong thied ki nongdie ki bor sorkar lem bad u Syiem ka Hima Mylliem khnang ba yn lah ban pynbeit iaka ne ka jing eh kaba ki nongrep ki la ia kynduh.
Naka liang jong u Bah Allfondbirth khrasyntiew General Secretary Ka Hill Farmer Union u La ai khublei ia baroh ki dkhot ka seng bala synran lang haka ne ka jing leit jurip bad u la kyntu ruh iaki nongrep ba kin ia tylli bad bad long kawei bad kin pyntip sha ka seng daka ba phone sha u (8974071503) haba ki ia kynduh ia kino kino ki jing eh.
